Post-programa? baina zer esan nahi dute bi hitz potolo hauek?Post-programa uste baino errazagoa den zerbait da. Orain arte irakasgai honetan egindako lanen bilketa hutsa baino ez da. Bertan bizipenak, gogoetak, interesgarri suertatutako guztia … biltzen da. Modu honetan orain arte ikasitakoaz jabetzeko tresna ezin hobea dela uste dugu. Beraz, egindakoari leku bat bilatzen saiatu gara!!!!!!!!!!
1.BESTE
KLASE DINAMIKA BAT …
Ikasgaia osatzeko beste era bat ikusi dugu. Normalean edukiei dagokienean erabiltzen den egitura itxia gainditu daitekeela ikusi dugu eta guk eraikitako ikasgaiak ere egon daitezkeela ikasi dugu. Irakaslearen papera aldatu egin da, “animatzaile” bilakatuz eta gu geu izan gara, gaiak aukeratu, jorratu eta azaldu ditugunak.
Horizontaltasuna irabazi eta gure interesen inguruan eraikitako ikasgaia bihurtu da.
2.
GURE ESKOLA EREDUA KOLOKAN JARTZEN.
Gaur egungo eskola eredua, industria gizarte batean oinarritutako eredua da eta bi irizpide nagusiren inguruan eraikitako erakundea da. Alde batetik ikuspegi ekonomiko baten inguruan, hau da, biharko produkzio katean sartzeko “pieza” berriak sortzeko helburuarekin, eta bestaldetik, ikuspegi kultural batetik, tradizionalki sustatutako nortasun kulturala mantentzeko, gero eta globalizatuagoa den eta gero eta lekuko kultura nortasun gehiago desagertzen ari diren mundu batean.
Zentzu horretan, zer egin? Argi dago bai batzuek eta bai besteek esaten duten moduan, hezkuntza sistemak, eskolak erakunde moduan aldaketak dituela, baina beharbada, erreformak baino hezkuntza sistemak eraldaketa sakon bat behar du.
3.
IKT-AK ESKOLETAN BEHARREZKOAK
IKT-ak eskoletan erabili beharrean aurkitzen gara. Askotan ez da erraza izaten, gauza guztiekin gertatzen den bezala bere alde onak eta txarrak dituelako.Hori kudeatu beharrean aurkitzen gara irakasleok eta horri aurre egiteko, lanari gogor ekin behar diogu!
4.
NEOLIBERALISMOA, IKT ETA ESKOLA: DARWINISMO PEDAGOGIKOA?
Gaur egungo eskola ereduak eredu industrializatu bati erantzuteaz gain, eredu ideologiko bat erantzuten dio. Dominazio sistemak ezarritako eredu bat erantzuten dio, eta Chomsky-k azaltzen duen moduan, hezkuntza eza sortzen da.
Zentzu horretan, eskolaren eraldaketa bat eman behar da, eta IKT- ak zentzu horretan egundoko garrantzia dute errealitate ezberdinak ezagutarazteko eta inposatutako ikuspegiari erantzuteko momentuan.
5.
KOOPERAZIOA
Fredericken ipuinean argi ikus dezakegunez, ikusten ez den lana , oso baliogarria da .
Guzti honekin atera dezakegun ondorioa honakoa da : askotan , gauza batzuk denbora galtzeko baino ez direla uste dugu eta azkenean oso baliogarriak izaten dira . Ipuin hau egunerokotasunean gertatzen diren gauzekin erlazionatu dezakegu. Adibidez , lan kooperatiboa egiterakoan argi utzi behar da zein den taldekide bakoitzaren eginkizuna , argi dago taldekide batek beste batek baino lan ikusgarriagoa egingo duela baina hori ez du esan nahi beste batek egindako lana garrantzirik ez izatea . Talde kooperatiboetan guztien lana garrantzizkoa da nahiz eta askotan ikusgarria ez izan. Beraz, kooperazioa oso lan positibotzat jotzen dugu, eta gure etorkizuneko lanari begira berebiziko puntua izango baita.
6.
BRETXA DIGITALA
7.KONPETENTZIA
DIGITALA ESKOLAN
Gaur
egungo errealitatera hurbiltzeko beste mekanismo batzuk ikusten ari
gara ikasgai honetan: IKTen bidezkoak, alegia. Zentzu horretan
eskolan ere mundu digitalaren inguruan eraikitzen ari den
informazioaren gizartean bizitzeko, osotasunean benetako autonomia
bat izateko beharrezkoa dugu konpetentzia digitalaren menperatzea.
Horregatik, bai irakasleko bai ikasleko konpetentzia hori jasotzeko
ahalegina eta bideak ezarri beharrean gaude. Beraz, horri ekingo
diogu…!
8. IKT IKASKUNTZA PROZESUAN
Ukaezina da, gure
eguneroko bizitzan teknologia berriak sartu direla eta geratzeko
asmoz etorri dira. Hezkuntzan ere berdina gertatu da, gaur egun
klaseetan ordenagailuak, arbela elektronikoak, proiektoreak, eta
beste hainbat berrikuntza digital sartu dira. Gure ustez, hauek oso
garrantzitsuak dira, eta hezkuntzan duten betebeharra betetzeko hauen
sustapena bultzatu behar da. IKTei esker, ikasleek konpetentziak
garatuko dituzte teknologiaren inguruan eta prestatuago egongo dira,
etortkizuneko gizartean sartzeko.
9.
ESKOLA 2.0 (Sarean jolasean)(Tilikutu)
Gaur
egungo gizarte garatuaren errealitatean kokatzeko, eskola 2.0 zer
den eta zertarako den jakin behar dugu. Eskola 2.0 pertsonen eta
ordenagailuen interakzioari da, eskola mailan. Teknologia berriek
gure gizartean aldaketa eta aurrera pausu handia izan duenez, leku
bat bilatu beharrean aurkitzen gara. Horretarako gizartetik hasi
beharko dugu eta beraz, eskoletan ere. Beraz, eskoletan betiko
metodologiatik pixka bat aldendu beharko ginateke eta eskola 2.0 –
ri aurre egin. Aurkezpen hauen bidez, konturatu gara hau guztion
iniziatibarekin aldatu dezakegula eta beraz, bada ordua hori
jorratzeko!!! BERAZ, animo etorkizuneko irakasle guztioi!!!!
10. LIBDUB-BIDEO
KAMEREN ERABILPENA (Bitxikeriak)
Talde
honek Libdub bat egitea proposatu zigun eta klaseko gehiengoa egiteko
prest egon ginenez lanari ekin zioten. Lan handia egin zuten, Libduba
klaseko egun batean entseatu gabe egin genuen eta primeran atera zen.
Ekintza hau gazteekin zein umeekin egitea primerakoa dela uste dugu,
oso dibertigarria baita eta ekinez asko ikasi dezakegulako, baina
ekintza hau egiteko aurretik prestakuntza handia egotea beharrezkoa
da.
11.
MUGIKORREN ERABILPEN ONA ESKOLAN (Aparkamintxu taldea)
Lan honen bidez ikusi dugu gauzak segun eta zein testuinguru eta nola erabiltzen diren onuragarriak ala kaltegarriak izan daitezkeela. Betidanik pentsatu da eskoletan mugikorrak erabiltzea gauza txar bat zela baina zergatik ez planteatu beste era batean? Gure ikasleei irakatsi ahal diegu nola erabili daitezkeen mugikorrak eskolan eraginkorrak eta baliotsuak izateko irakaskuntza-ikaskuntza prozesuan. Hori egiteko beharrean aurkitzen garela argi utzi digu Aparkamintxu taldeak, gai hau sakonki jorratu ostean. Beraz, eskola modernizatu, teknika desberdinak erabili, berritu, onartu baita mugikorrak ezarri behar!
12.
KULTURARTEKOTASUNA SAREAN (Txiri- txiri)
Gaur
egungo eskoletan gero eta ohikoagoa da gela berean kultura
desberdinetako ikasleak egotea. Kultura artekotasuna errealitate bat
da, horregatik, ezinbestekoa da kultur desberdinetako ikasle horiek
diren moduan aintzat hartzea eta haien ohitura eta kulturari buruzko
jakin-mina bultzatzea integrazio prozesua positiboa izateko.
Integrazioa, bere jatorriari uko egin gabe.
Teknologia
berriez baliatuz beste herrialde batzuekin harremanetan jartzeko
aukera eskaintzen digu, lekutik mugitu gabe errealitate ezberdinak
ezagutzeko.
13.
PORTAFOLIO DIGITALA (Lamieneskatza)
Portafolio
digitala lana ebaluatzeko eta ordenatzeko metodologia bat da. Baina
ez soilik ebaluatzeko, baizik eta lanari forma bat emateko, jakintza
metatzeko, eta bestela garrantzitsuak diren hausnarketa bultzatzeko
eta behi amaierara helduta, egindako bidearen “bitakora koaderno”
bat izateko.
Aro
digitalean ere, oso garrantzitsua da portafolioa delako teknika
digitalizazioaren uztartzea, alde batetik alfabetizazio digitalean
laguntzen duelako eta bestaldetik, portafolioan agertzen diren
hausnarketak ahalik eta jende gehiagori heltzen zaizkiolako,
interakzio positiboa ere ahalbidetuz.
14.
FACEBOOK (Magistekno)
Talde
honek sare sozialei buruz hitz egin zuen. Proposatu zuten hauek
hezkuntzan integratzea ikasleen eta gurasoen bidez. Gure ustez, sare
sozialek duten funtzioa oso ona da, jendearekin komunikatzea
ahalbidetzen dute, eta informazioaren transmisioa errazten dute
baina ez dira haurrentzako egokiak eta hezkuntzan duen
erabilgarritasuna zalantzan jartzen dugu. Sare sozial hauek
helduagoentzako direla deritzogu, gainera, eskaintzen dituzten
aukerak ez dira egokienak lanerako.
15.IRAKASLEEN
FORMAKUNTZA (Atzekoak)
Irakasleon
formakuntza ikasketak bukatu eta askoz harago doan bidea da.
Irakasleok etengabeko formakuntzan aritu beharrean aurkitzen gara eta
metodo pedagokiko berriak topatu behar ditugu, klase magistralak
baino haratago doazenak. Parte-hartzea, enpatia, eta jarrera aktibo
bat bideratzen dutenak. Beraz, guztion lana da hau.
Aurkezpen
honen hasieran pentsatu dugu “txapa” izango zela, izan ere,
taldekide bat teoria abstraktuki botatzen hasi da, inongo zentzurik
gabe. Orduan, beste bi taldekidek eten egin dute eta metodologia
magistral hau zalantzan jarri dute lanaren bidez. Antzezpen hau oso
ondo egin dute, eta bete betean eman dute gaiaren funtsarekin. Gaur
egun, irakasle askok modu honetan ematen dituzte haien klaseak.
Klasera heldu, power pointa jarri eta txapa botatzen hasten dira,
ikasleen parte hartzerik edo interakziorik gabe. Honek hezkuntzari
kalitatea kentzen dio, ez baita ikaskuntza esanguratsurik ematen eta
emaitzak okerragoak izaten dira.Honen ordez, uste dugu beharrezkoa dela ikaslearen beharrizanak eta ezaugarriak kontuan hartzen dituen hezkuntza sistema bat martxan jartzea eta bultzatzea. <modu honetan, ikasleen interesa piztuko litzateke eta azkenean emaitza hobeagoak lortuko lirateke.
16.
POST PROGRAMA
Honen
bidez, orain arte egindako lan guztien hierarkia bat egin dugu.
Bertan landutako edukiak, erabilitako metodologia, plazaratutako
ideiak… agertzen dira. Nolabait irakasgai honen laburpena. Honekin
batera, bertan bizi izandako esperientziak zeintzuk izan diren argi
utzi ahal digun idazkia da eta irakasgai honek ahoan utzi digun azken
zaporea azaleratuz: garratza, mingotsa, gazia eta goxoa.
17.ONDORIOAK
Irakasgai
honen bidez gauza asko ikasi ditugu, nahiz eta hasiera batean horren
sentsazioa berdina ez izan. Konturatu egin gara besteen
esperientzietatik asko ikasten dela ( beharbada klasean aurkeztutako
esperientziak oso mamitsuak eta aberasgarriak izan direlako!!!!!) .
Gainera irakaskuntza- ikaskuntza prozesu honetan guztiok izan gara
gidatzaile zein protagonista eta beraz, originaltasuna izan da lan
guztien gakoa. Beraz, esatekoa da: ZORIONAK Bertan parte hartu
dugun GUZTIOI!!!!
No hay comentarios:
Publicar un comentario